Somos Rocío e Luis, os responsables deste proxecto único na Costa da Morte que trata de levar o ioga a todos os recunchos desta comarca.
Ambos instructores, grazas á súa viaxe á India, adquiriron unha perspectiva única e profunda sobre o ioga, enriquecendo a súa práctica e transmitindo a súa paixón ás persoas que deciden unirse ás clases de Nordesfitness.
Luis Alberto Rodríguez Luaces, xerente do ximnasio Nordesfitness en Camariñas, é un apaixonado do ioga e o pilates. Desde o ano 2013, dedicouse a impartir estas disciplinas, especializándose en ioga para persoas maiores. Durante a súa viaxe á India, tivo a oportunidade de mergullarse na cultura ióguica, aprofundando nos seus coñecementos e técnicas.
Rocío Martínez Liñeiro, licenciada en Criminoloxía pola Universidade de Santiago de Compostela, descubriu a súa paixón polo ioga durante a súa viaxe á India no ano 2017. Fascinada pola filosofía ióguica, decidiu dedicarse á súa ensinanza para transmitir os beneficios dun estilo de vida consciente e saudable. Desde entón, especializouse en Hatha Yoga e ioga prenatal, continuando a súa formación e enriquecendo a súa práctica para ofrecer clases de calidade aos seus alumnos.
Xerente de Nordesfitness, instructor de ioga e pilates especializado en ioga para maiores e con experiencia en estudos na India.
Instrutora certificada de ioga, especializada en Hatha Yoga e ioga prenatal, con formación e experiencia adquirida durante a súa viaxe á India.
